நீங்கள் தேடியது "பாஜக போராட்டம்"

சென்னை:

தேர்தல் நேரத்தில் தி.மு.க. அளித்த வாக்குறுதிப்படி பெட்ரோல்- டீசல் விலையை குறைக்க தமிழக அரசை வலியுறுத்தியும், மழை வெள்ள பாதிப்புக்கு குடும்பத்துக்கு ரூ.5 ஆயிரம் நிவாரண உதவி வழங்க கோரியும் பா.ஜனதாவினர்தமிழகம் முழுவதும் போராட்டம் நடத்தி வருகிறார்கள்.

சென்னை சைதாப்பேட்டை பனகல் மாளிகை அருகே இன்று நூதன ஆர்ப்பாட்டம் நடத்தினார்கள்.


“தி.மு.க. அரசே, தமிழக அரசே கொடுத்த வாக்குறுதியை நிறைவேற்று”, “பெட்ரோல்- டீசல் விலையை குறைத்திடு”, “மழைக்கால நிவாரணம் ரூ.5 ஆயிரம் வழங்கிடு” என்று கோ‌ஷங்கள் எழுப்பினார்கள்.

நாகர்கோவில்:

கன்னியாகுமரி பாராளுமன்ற தொகுதி எம்.பி.யும், மத்திய மந்திரியுமான பொன். ராதாகிருஷ்ணன் நேற்று சபரிமலைக்கு இருமுடிகட்டி சென்றார்.

நிலக்கல்லில் இருந்து பம்பைக்கு ஆதரவாளர்களுடன் காரில் சென்ற அவரை கேரள போலீசார் தடுத்து நிறுத்தினர். பொன். ராதாகிருஷ்ணன் காரை மட்டும் பம்பைக்கு அனுமதிப்பதாகவும், மற்றவர்களின் காரை அனுமதிக்க முடியாது என்றும் போலீசார் கூறினர். இதனால் போலீசாருக்கும், பொன்.ராதாகிருஷ்ணனுக்கும் இடையே வாக்குவாதம் ஏற்பட்டது.

இது போல சபரிமலையில் தரிசனம் முடிந்து இன்று அதிகாலை பொன்.ராதாகிருஷ்ணன் கோவை சென்றார். அப்போதும் அவரது ஆதரவாளர்களின் காரை கேரள போலீசார் மீண்டும் தடுத்து நிறுத்தினர். இதுவும் பெரும் சர்ச்சையை ஏற்படுத்தியது.

சபரிமலையில் நேற்று பொன்.ராதாகிருஷ்ணன் போலீசாரால் தடுத்து நிறுத்தப்பட்டார் என்ற தகவல் பரவியதும் குமரி மாவட்ட பாரதிய ஜனதா கட்சியினர் கடும் அதிர்ச்சி அடைந்தனர். அவர்கள் களியக்காவிளை உள்பட மாவட்டத்தின் பல பகுதிகளிலும் போராட்டத்தில் ஈடுபட்டனர்.

இப்போராட்டம் காரணமாக கேரளாவில் இருந்து நாகர்கோவில் வரும் அரசு பஸ்கள் பாறசாலையில் நிறுத்தப்பட்டது. இது போல நாகர்கோவிலில் இருந்து திருவனந்தபுரம் செல்லும் பஸ்கள் களியக்காவிளையுடன் நிறுத்தப்பட்டது.

இந்த நிலையில் பொன்.ராதாகிருஷ்ணனை அவமரியாதை செய்த கேரள போலீசாரையும், கேரள அரசையும் கண்டித்து குமரி மாவட்டத்தில் நாளை முழு அடைப்பு போராட்டம் நடத்தப்போவதாக குமரி மாவட்ட பாரதிய ஜனதா கட்சியினர் அறிவித்துள்ளனர்.

இது தொடர்பாக பாரதிய ஜனதா கட்சியின் மாவட்டத்தலைவர் முத்து கிருஷ்ணன் இன்று வெளியிட்டுள்ள அறிக்கையில் கூறியிருப்பதாவது:-

சபரிமலை அய்யப்பன் கோவிலுக்கு செல்லும் பக்தர்களிடம் கேரள அரசும், அங்குள்ள போலீசாரும் கடும் கெடுபிடி காட்டுகிறார்கள். அய்யப்பனை தரிசிக்கவும், சரண கோ‌ஷம் எழுப்பவும் கட்டுப்பாடு விதிக்கும் கேரள அரசையும், போலீசாரையும் கடுமையாக கண்டிக்கிறோம்.

மேலும் இருமுடிகட்டி சபரிமலைச் சென்ற மத்தியமந்திரி பொன்.ராதாகிருஷ்ணன் தடுத்து நிறுத்தப்பட்டுள்ளார். இது பாரதிய ஜனதா கட்சியினர் மத்தியில் பெரும் அதிருப்தியை ஏற்படுத்தி உள்ளது.

கேரள அரசுக்கும், போலீசாருக்கும் கண்டனம் தெரிவிக்கும் வகையில் குமரி மாவட்டத்தில் நாளை பாரதிய ஜனதா கட்சி முழு அடைப்பு போராட்டத்திற்கு அழைப்பு விடுத்துள்ளது. இந்த போராட்டத்திற்கு பொதுமக்கள் அனைவரும் ஒத்துழைப்பு அளிக்க வேண்டும்.

வணிக நிறுவனங்கள், கடைகள் அனைத்தையும் மூடி எதிர்ப்பை தெரிவிக்க வேண்டும். பஸ்கள் மற்றும் வாகனங்களை இயக்க வேண்டாம். இதனால் ஏற்படும் அசவுகரியங்களை பொதுமக்கள் பொறுத்துக் கொண்டு ஆதரவு தர வேண்டும்.

இவ்வாறு அறிக்கையில் கூறப்பட்டுள்ளது. #Sabarimala #BJP #PonRadhakrishnan

புதுச்சேரி:

புதுவை மாநில பா.ஜனதா தலைவர் சாமிநாதன் எம்.எல்.ஏ. நிருபர்களிடம் கூறியதாவது:-

சபரிமலையில் பெண்களும் செல்லலாம் என சுப்ரீம் கோர்ட்டு ஒரு தீர்ப்பளித்தது. இந்த தீர்ப்பிற்கு பிறகும் சபரிமலை புனிதத்தை பாதுகாக்க கோடிக்கணக்கான இந்து பெண்கள் நாங்கள் கோவிலுக்கு செல்ல மாட்டோம் என சபதம் ஏற்றுள்ளனர்.

ஆனால், வெளிநாட்டு கொள்கையை சுவீகரித்திருக்கும் கம்யூனிஸ்ட்டுகள் சபரிமலை புனிதத்தை சீர்குலைக்க சில சமூக விரோத சக்திகளுடன் இணைந்து செயல்பட்டு வருகின்றனர்.

இதற்காக அய்யப்ப பக்தர்கள் மீது அடக்கு முறையை, ஒடுக்கு முறையை ஏவிவிட்டுள்ளனர். சபரிமலையில் அய்யப்ப பக்தர்கள் தங்கலாம் என்பது புதிதாக ஏற்படுத்தப்பட்டதல்ல. பல ஆண்டுகளாக தொடர்ந்து இருக்கும் நடைமுறைதான்.

ஆனால், கேரளாவில் உள்ள பினராயி விஜயன் தலைமையிலான மார்க்சிஸ்டு அரசு பக்தர்களை தங்கவிடாமல் தடுக்கின்றனர். சபரிமலையில் அய்யப்ப பக்தர்கள் நூற்றுக்கணக்கானவர்களை கைது செய்து சிறையில் அடைத்துள்ளனர்.

கேரள மாநில ஐகோர்ட் பக்தர்களுக்கு எந்த தடையும் இருக்கக்கூடாது என உத்தரவிட்டும் அதை செயல்படுத்த மார்க்சிஸ்ட் அரசு முன்வரவில்லை. கைது செய்யப்பட்ட பக்தர்களை விடுவிக்க வேண்டும் என்றும் பல்லாயிரக்கணக்கான ஆண்டுகளாக பாதுகாக்கப்பட்டு வரும் சபரிமலையின் புனிதத்தை பாதுகாக்க வேண்டும் என வலியுறுத்தி வரும் 26-ந்தேதி புதுவையில் முழு அடைப்பு(பந்த்) போராட்டத்திற்கு பா.ஜனதா அழைப்பு விடுக்கிறது.

புதுவையில் இருந்தும் ஆயிரக்கணக்கான பக்தர்கள் விரதமிருந்து சபரிமலை செல்லவுள்ளனர். எனவே, அனைத்து அரசியல் கட்சிகளும் தாமாக முன்வந்து இந்த போராட்டத்திற்கு ஆதரவு அளிக்க வேண்டும். வணிக நிறுவனங்கள், வர்த்தக சங்கங்கள், ஆட்டோ, பஸ், டெம்போ ஓட்டுனர்களும் பா.ஜனதா அழைப்பு விடுத்துள்ள இந்த போராட்டத்திற்கு ஆதரவு தெரிவிக்க வேண்டும் என கேட்டுக்கொள்கிறோம்.

இவ்வாறு அவர் கூறினார். #Sabarimala #BJP #BJPProtest